У Віцебску бела-чырвона-белы сцяг быў вывешаны на лініі электраперадачы

У ноч з 18 на 19 траўня ў Віцебску на скрыжаванні вуліц Праўды і Церашковай з'явіўся бела-чырвона-белы сцяг з жалобнай чорнай стужкай. Інфармагенцтва “БелаПАН” паведамляе, што сцяг быў вывешаны на правадах лініі электраперадачы пад напружаннем прыкладна ў 110 тысяч вольт.

Тамтэйшы апазіцыянер і распаўсюджвальнік незалежнай прэсы Барыс Хамайда лічыць, што бела-чырвона-белы сцяг з’явіўся менавіта ў гэтым раёне Віцебска да ўгодкаў смерці Уладзіміра Плешчанкі, чальца Кансерватыўна-хрфсціянскай парыті “БНФ”. Спадар Плешчанка памёр 20 траўня 2006 года на 58-м годзе жыцця. Ён быў адным са старэйшых апазіцыянераў Віцебску, а з 1999 года ўзначальваў абласную арганізацыю КХП-БНФ.

19 траўня на могілках ў вёсцы Крумкачы пад Віцебскам адбудзецца афіцыйнае адчыненне помніка У.Плещенко. Сродкі на помнік – 500 тысяч рублёў і каля 500 еўра – па ініцыятыве Барыса Хамайды сабралі жыхары Віцебска, прадстаўнікі беларускай дыяспары, а таксама партыйцы БНФ.