У Гродне адбываецца хапун
Як паведамляла Еўрарадыё, у міліцыю трапілі журналісты — Андрэй Пачобут і Ян Роман.
Як стала вядома, затрыманыя таксама Ігар Банцар і Эдуард Дмухоўскі. Дадому да журналіста Аляксандра Дзянісава прыйшлі міліцыянты, яго тэлефон не адказвае.
Міліцыя дзяжурыць і каля дома аператара Андрэя Фралова. Не адказвае тэлефон радыёжурналіста Вітаўта Парфёненкі.
Як паведаміў Алесь Кіркевіч, прыкладна шэсць затрыманых трымаюць у міліцэйскай машыне ў раёне Дзевятоўка. Пра гэта ён даведаўся ад затрыманай Юлі Каляды.
Нагадаем, што на сёння неафіцыйны Саюз палякаў у Беларусі прызначыў акцыю супраць русіфікацыі польскай школы. Дазволу на акцыю ўлады не давалі.
Фота — svaboda.org
