“Петля Пристрастия” запісвае альбом алкагалічных падкрадух
“Увесь кашмар сусвету абрушваецца мне на галаву”, — апісвае пахмельны настрой, у якім ствараліся новыя — гаражныя ды ўдарныя песні Ілля Чарапко-Самахвалаў.
Гурт “Петля Пристрастия” пачаў запіс трэцяга паўнафарматнага альбома. На дыску будзе дзесяць песень, якія самі музыкі называюць больш ударнымі ды гаражнымі за папярэднія творы.
“Гэта будуць алкагалічныя падкрадухі, — распавядае Еўрарадыё пра канцэпцыю альбома лідар гурта Ілля Чарапко-Самахвалаў. — Большасць песень была напісаная сам-насам з самім сабой падчас абстынентнага сіндрому. Не ведаю, як іншыя, але я ў гэтым стане вельмі востра адчуваю тонкую тканіну жыцця. Увесь кашмар сусвету абрушваецца мне на галаву. Менавіта пад гэтым уражаннем я і складаю свае опусы”.
Новы альбом “Петли Пристрастия” пакуль не атрымаў назвы. Невядомая і дата яго выхаду, бо яшчэ трэба прапісаць вакал і гітары. Ды, натуральна, дачакацца звядзення і майстарынгу.
Фота: budzma.org
