Мінкультуры кажа, што не мае "чорных спісаў" выканаўцаў
Такую заяву зрабіў намеснік міністра культуры Тадэвуш Стружэцкі.
Па яго словах, якія перадае БелаПАН, калі дзесьці на месцах існуюць такія забароны, то трэба ў кожным канкрэтным выпадку высвятляць, хто гэта зрабіў і па якіх прычынах.
Нагадаем, што апошні па часе так званы "чорны спіс" дзеячаў мастацтва з'явіўся ў інтэрнэце на пачатку сакавіка 2011 года. У спіс уключаныя каля 30 дзеячаў культуры і 15 калектываў, якія выказваліся ў падтрымку дэмакратыі ў Беларусі і патрабавалі вызваленні палітвязняў. Чыноўнікі называюць "чорны спіс" фальшыўкай. Аднак менавіта пасля публікацыі "чорнага спісу" ў Беларусі быў адменены шэраг канцэртаў — гуртоў "Крамбамбуля" і "Нейра Дзюбель", Змітра Вайцюшкевіча ды інш.
