Банцар: Гродзенскія вязні працягваюць трымаць галадоўку
У Гродзенскім ізалятары часовага ўтрымання галадоўнікаў можа стаць болей, калі беспадстаўныя затрыманні на вуліцах не спыняцца.
Нагадаем, сёння скончыўся тэрмін адміністрацыйнага пакарання журналіста, сябра “Саюза палякаў на Беларусі” Ігара Банцара, які разам з іншымі затрыманымі падчас акцыі маўклівага пратэсту трымаў галадоўку. Банцар у размове з Еўрарадыё адзначыў, што людзі трымаюць галадоўку не сухую — яны ўжываюць ваду. Праўдападобна, што галадоўнікаў стане болей:
“Акрамя мяне там трымаюць галадоўку журналіст Алесь Дзянісаў. Але таксама есць проста актывісты. Я апошнія некалькі дзён сядзеў у камеры са Змітром Бандарчуком, які таксама трымаў галадоўку. Гэтым разам было 3 чалавекі, якія галадалі. Выходзячы, я сказаў міліцыянтам: калі далей будзе працягвацца гэтая сітуацыя, што людзей безпадстаўна затрымліваюць на вуліцах, то, мяркую, што неўзабаве тут палова і ўсе будуць галадаць”.
Банцар адзначыў, што пасля галадоўкі пачувацца няблага.
