Галадоўшчыца Святлана Чорная атрымала адказ з камісіі па памілаванні
Нагадаем, што мінчанка галадае з 30 лістапада. Яна пратэстуе супраць смяротнага прысуду Дзмітрыю Канавалаву і Уладзіславу Кавалёву.
Цяпер жанчына атрымала адказ на свой зварот у камісію па памілаванні пры прэзідэнце. У ім гаворыцца, што яе зварот будзе разгледжаны ў адпаведнасці з беларускім заканадаўствам. У каментары БелаПАН Чорная заявіла, што лічыць адказ фармальнай адпіскай.
Мінчанка хоча паўторна звяртацца ў прэзідэнцкую адміністрацыю, каб яе патрабаванні былі разгледжаны па сутнасці.
Па словах Чорнай, яна працягвае галадаць, толькі перыядычна п'е ваду.
Фота: nnm.ru
