Экс-кандыдат у прэзідэнты Беларусі трапіў у аўтааварыю
Дарожна-транспартнае здарэнне адбылося 29 траўня ў Літве.
Як паведамляе сайт "Товарищ.online", Алесь Міхалевіч ехаў з Варшавы ў Вільню. За 75 кіламетраў да літоўскай сталіцы пад колы яго Skoda Fabia кінулася казуля.
Па словах самога Міхалевіча, сам ён у здарэнні не пацярпеў — нават акуляры не пабіліся. А вось у машыне давядзецца замяніць бампер, радыятар, фару, а таксама выраўнаваць капот і крыло. Міхалевіч кажа, што паліцыю не выклікаў, а трафей у выглядзе збітай казулі вырашыў не браць.
Нагадаем, цяпер палітык жыве ў Чэхіі, дзе атрымаў палітычны прытулак.
Фота — news.vitebsk.cc
