Бліжэйшая ноч будзе самай халоднай ў гэтым сезоне
Па прагнозах сіноптыкаў, 2 і 3 лютага будуць самымі сцюдзёнымі ў гэтым зімовым сезоне.
Пра гэта агенцтву БЕЛТА паведаміла галоўны сіноптык Рэспубліканскага гідраметэацэнтра Людміла Парашчук. Па яе словах, уначы прагназуецца мінус 25...29 градусаў, а па заходняй палове краіны месцамі тэмпература паветра панізіцца да 30-32 градусаў.
У наступныя дні маразы будуць паступова слабець.
