Як спякота ўплывае на вашу прадукцыйнасць (раскажыце начальніку)

Прадукцыйнасць працы зніжаецца на 2-3% пры з кожным градусам, які вышэй +20°C. Гэта значыць, калі вы вымушаныя працаваць у +30°C, ваша эфектыўнасць будзе на 20-30% ніжэй. І гэта не таму, што вам лянота, а таму, што так на нас уплывае глабальнае пацяпленне.

Гэта высновы новага даследавання, якое сумесна правялі Сусветная арганізацыя аховы здароўя (СААЗ) і Сусветная метэаралагічная арганізацыя (СМА).

"Рызыкі для здароўя (з-за экстрэмальных тэмператур) ўключаюць цеплавы ўдар, абязводжванне, парушэнне функцыі нырак і неўралагічныя расстройствы", — гаворыцца ў справаздачы.

Экстрэмальная спякота становіцца ўсё больш частай з'явай у нашым жыцці, і гэта павышае рызыкі як для тых, хто працуе на адкрытым паветры, так і для офісных работнікаў. Прыкладна палова насельніцтва свету ўжо пакутуе ад неспрыяльных наступстваў высокіх тэмператур.