У суботу ў Беларусі пахаладае

У суботу, 5 красавіка, у Беларусі рэзка пахаладае. Амаль па ўсёй краіне прагназуюцца ападкі — дождж, мокры снег і снег. На поўначы на асобных участках дарог магчымая галалёдзіца.

У начныя гадзіны тэмпература паветра складзе ад -2 да +4 градусаў (на поўдні месцамі — 5-7 цяпла, у Мінску — ад +1 да +3), у дзённыя гадзіны — ад +3 да +9 (на Гомельшчыне — да +11, у сталіцы — ад +3 да +5).

У нядзелю ападкі чакаюцца ўначы — амаль па ўсёй краіне, удзень — пераважна на паўднёвым усходзе. У начныя гадзіны будзе 1-7 градусаў марозу, удзень — ад -2 да +4. Падобныя ўмовы надвор'я захаваюцца ў панядзелак.