У справе пра масавыя беспарадкі — тры новыя фігуранты

Абвінавачанні па справе аб масавых беспарадках прад’яўленыя Дзмітрыю Буланаву, Аляксандру Квяткевічу і Васілю Парфянкову.  Як паведамляе праваабарончы цэнтр "Вясна", ужо 36 асобаў знаходзяцца ў статусе абвінавачаных па гэтай справе.

Новыя фігуранты:

Дзмітрый Буланаў — адбыў 10 сутак адміністратыўнага арышту, 12 студзеня быў затрыманы ў якасці падазраванага, утрымліваецца пад вартай у СІЗА на вул. Валадарскага.

Аляксандр Квяткевіч — адбыў 12 сутак адміністратыўнага арышту, 4 студзеня затрыманы ў якасці падазраванага, знаходзіцца ў СІЗА КДБ

Васіль Парфянкоў — актывіст выбарчага штаба Някляева, 4 студзеня затрыманы ў якасці падазраванага, утрымліваецца пад вартай у СІЗА на вул. Валадарскага.