У Мазыры расследуюць загадкавую смерць 61-гадовага мужчыны (відэа)
У Мазыры расследуюць загадкавую смерць 61-гадовага мужчыны. Сваякі прывезлі яго ў лякарню ў непрытомным стане, а праз дзве гадзіны мужчына памёр у рэанімацыі.
Папярэднія высновы медыкаў — атручэнне невядомым ядам або сурагатным алкаголем. Гэта насцярожыла следчых, распачалася праверка. Прызначаны шэраг судова-медыцынскіх экспертыз, якія дапамогуць вызначыць дакладную прычыну смерці, паведамляе тэлеканал “Мазыр”.
Падчас праверкі мужчына характарызаваўся станоўча. Вядома таксама, што на медыцынскім і крыміналагічным уліку ён не стаяў.
Фота з архіву
