У аўторак у Беларусі месцамі чакаюцца моцныя дажджы

У аўторак, 1 красавіка, ападкі (дажджы) прагназуюцца амаль па ўсёй Беларусі. Удзень на паўднёвым усходзе краіны пройдуць моцныя дажджы. Уначы і раніцай у асобных раёнах будзе слабы туман.

У начныя гадзіны тэмпература паветра складзе ад +2 да +8 градусаў (у Мінску — ад +5 да +7), у дзённыя гадзіны — ад +8 на Гомельшчыне да +16 на паўночным захадзе (у сталіцы — 12-14 цяпла).

У сераду дажджы чакаюцца на паўднёвым усходзе Беларусі. Уначы будзе ад +1 да +7, удзень — ад +10 на Гомельшчыне да +18 на Брэстчыне.

У чацвер пераважна без ападкаў. У начныя гадзіны чакаецца ад -2 да +5, у дзённыя гадзіны — ад +12 да +19 градусаў.