У метро затрымалі актывістку з фарбай і трафарэтамі "Свабоду палітвязням!"
Два балоны фарбы ў яе знайшлі пры даглядзе заплечніка.
Сёння ноччу на станцыі метро Пушкінская была затрыманая актывістка кампаніі "Еўрапейская Беларусь" Кацярына Ерусалімская.
Пры ўваходзе ў метро міліцыя аглядала асабістыя рэчы пасажыраў. Пры даглядзе заплечніка актывісткі, міліцыя знайшла два балоны фарбы, трафарэт "Свабоду палітвязням!" і папрасіла дзяўчыну прайсці разам з імі ў пакой міліцыі пры метрапалітэне.
Затым актывістка была дастаўлена ў Фрунзенскі РУУС Мінска, паведамляе сайт "Еўрапейскай Беларусі".
