Улады Брэста адмовілі ў правядзенні адзіночнага шэсця ў падтрымку Бяляцкага
Акцыю хацеў зладзіць праваабаронца Раман Кісляк. Мэтай шэсця было прыцягнуць увагу жыхароў гораду да лёсу кіраўніка цэнтру “Вясна”.
Кісляку адмовілі ў шэсці на падставе таго, што да заявы не былі прыкладзеныя дамовы з органамі ўнутраных справаў, установай аховы здароўя і камунальным прадпрыемствам. Між тым праваабаронца настойвае на тым, што мясцовыя ўлады павінны або дазволіць, або забараніць шэсце. А тэрміна “адмовіць у правядзенні” у заканадаўстве проста няма, перадае БелаПАН.
Такім чынам, Раман Кісляк мае намер правесці акцыю ў падтрымку Алеся Бяляцкага, бо ён не атрымаў адказ з забаронай шэсця.
