У Мінску міліцыя масава затрымлівала падлеткаў
Выпадак здарыўся два тыдні таму – вечарам 17 лістапада.
Як піша партал naviny.by, агулам быў затрыманы 31 падлетак ва ўзросце 13-17 гадоў. Ва ўсіх дзяцей ўзялі адбіткі пальцаў. Іх таксама сфатаграфавалі. Некаторыя з затрыманых расказалі бацькам пра тое, што міліцыянты ў пастарунку іх білі.
Афіцыйнага тлумачэння здарэння міліцыянты не даюць. Бацькам затрыманых падлеткаў яны патлумачылі, што іх дзеці планавалі масавую бойку з кадэтамі. Зараз праверку гэтага інцыдэнту праводзіць пракуратура сталіцы.
Нагадаем таксама, што напрыканцы лістапада падобная гісторыя здарылася ў Крупках. Там прайшло масавае затрыманне моладзі.
