У чэрвені Парламенцкая Асамблея АБСЕ знойдзе замену Уце Цапф
Новы кіраўнік працоўнай групы па Беларусі Парламенцкай асамблеі АБСЕ можа быць абраны на чэрвеньскай сесіі арганізацыі ў Стамбуле.
Пра гэта паведамляе БелаПАН са спасылкай на прэс-службу ПА АБСЕ. Цяперашняя старшыня групы Ута Цапф пакідае сваю пасаду, бо вырашыла не ўдзельнічаць у выбарах у бундэстаг, якія пройдуць сёлета ўвосень. Паводле статуту ПА АБСЕ, працаваць у асамблеі могуць толькі дзейсныя дэпутаты нацыянальных парламентаў краін — удзельніц АБСЕ.
Нагадаем, што Ута Цапф узначальвала працоўную групу па Беларусі з 2002 года.
Фота — svaboda.org
