Штодня ў Беларусі затрымліваюць каля 20 замежнікаў
Праваахоўнікі паведамляюць пра затрыманні замежнікаў у МЗС толькі ў 80% выпадкаў.
Пра гэта ў аўторак паведаміў на прэс-канферэнцыі ў Мінску начальнік галоўнага консульскага ўпраўлення МЗС Беларусі Аляксандр Астроўскі:
120522 Astrouski 2.mp3
“Орган, які затрымаў замежніка, абавязаны цягам сутак паведаміць у галоўнае консульскае ўпраўленне. У 75-80% выпадкаў гэта спрацоўвае. Штодня мы атрымліваем каля 20 паведамленняў пра затрыманне. І разам з нашымі нотамі мы накіроўваем гэта ў пасольствы”.
Дарэчы, калі замежнік не хоча, каб пра яго затрыманне ведалі на яго радзіме, у пасольства могуць нічога не паведамляць.
Фота — bymedia.net
