13 гадоў таму знік Юрый Захаранка
7 траўня 1999 года група невядомых захапіла генерала ў Мінску.
Паводле неафіцыйнай інфармацыі, 47-гадовы Юрый Захаранка, экс-міністр унутраных спраў, адзін з лідараў апазіцыі, стаў ахвярай "эскадрона смерці".
У 2000 годзе сям'я Захаранкі атрымала палітычны прытулак у Нямеччыне. Міжнародныя праваабарончыя арганізацыі неаднаразова патрабавалі ад уладаў Беларусі расследавання знікнення палітыка.
Дарэчы, сёлета ў студзені расследаванне знікнення Юрыя Захаранкі ў чарговы раз было працягнутае на тры месяцы. Справу вядзе Следчы камітэт.
Фота — bymedia.net
