Помнік “Пакутнікам за волю і незалежнасць” у Маладзечне заменяць на Дажынкі
Помнік-валун заменяць на мураваны герб горада. Такім чынам, улады Маладзечна рыхтуюцца да “Дажынак”-2011.
Пра гэта Еўрарадыё распавёў мясцовы праваабаронца Алесь Капуцкі.
Капуцкі: “Яго збіраюцца адтуль пераносіць. Куды – пакуль невядома. На тым месцы пабудуюць іншы помнік – Багародзіца на Калюмне. Калі помнік перанясуць недалёка ў цэнтр горада, мы зможам з гэтым пагадзіцца. Але калі будуць пераносіць невядома куды, мы будзем прымаць дзеянні ў абарону гэтага помніка”.
Нагадаем, помнік “Пакутнікам за волю у і незалежнасць” быў пастаўлены пры колішнім мэры горада Генадзю Карпенку. Гэта валун, аздоблены крыжам Еўфрасінні Полацкай. Напачатку на ім быў яшчэ бел-чырвона-белы сцяжок, які потым прыбралі.
