У парку 40-годдзя Кастрычніка рубяць елкі пад кітайскі гатэль (фота)
Спыніць знішчэнне парка мясцовыя жыхары плануюць праз суд.
16 лютага ў парку ўзнавілася высечка дрэваў. Там пабудуюць гасцініцу "Пекін".
Высечкай дрэваў займаецца "Зеленбуд".
Гэтае дрэва вельмі замінае будучай кітайскай гасцініцы.
Цяпер, відаць, папілуюць на дровы ці дошкі.
У машыны загружаюць ужо спілаваныя дрэвы. Можа на пілараму вязуць...
Чарговая елка замінала кітайскаму гатэлю.
Нядаўнія сосны. Цяпер проста матэрыял для будоўлі.
Нагадаем, у парку 40-годдзя Кастрычніка збіраюцца пабудаваць гасцініцу "Пекін". Секчы дрэвы ў парку пачалі ў студзені, але пад ціскам грамадскасці і эколагаў спынілі будаўніцтва. Чыноўнікі абяцалі не аднаўляць высечку парку і змяніць план будовы. Аднак секчы дрэвы пачалі зноў 16 лютага, нягледзячы на ўмяшальніцтва Мінпрыроды.
