Магілёўскаму “Справядліваму свету” не дазволілі пікет
Мясцовае аддзяленне партыі хацела зладзіць акцыю супраць збяднення працоўных 28 студзеня з 12.00 да 13.00
Заяўку на пікет падалі 11 студзеня, заяўленая колькасць удзельнікаў была 7 чалавек. Месцам правядзення акцыі быў абраны стадыён каля аварыйнага будынка Дома культуры завода штучнага валакна па вуліцы Чэлюскінцаў, паведамляе БелаПАН.
Нягледзячы на тое, што сябры партыі заключылі ўсе патрэбныя дамовы з міліцыяй, медыкамі і камунальнікамі, гарвыканкам адмовіў у правядзенні пікета. На стадыёне сёння адбываюцца спартовыя мерапрыемствы і гэта магло стаць фармальнай падставай для адмовы. Аднак магілёўскім левым нават не прапанавалі змяніць дату пікета.
