Ля СІЗА, дзе трымаюць Цімашэнку, пачаўся пікет (дапоўнена)
Акцыю пад назвай “Юля — мы з табой!” распачалі а 13.00 па кіеўскім часе ля Лук’янаўскага ізалятара ў Кіеве.
Арганізатары пікету ў падтрымку лідара партыі “Бацькаўшчына” Юліі Цімашэнкі заклікаюць усіх свядомых і неабыякавых людзей прыйсці да СІЗА і выказаць сваю грамадзянскую пазіцыю, перадае УНІАН.
Юлія Цімашэнка па рашэнні суда змешчаная пад варту 5 жніўня. Яе вінавацяць у перавышэнні паўнамоцтваў пры заключэнні газавых кантрактаў з Расіяй, калі яна яшчэ была прэм’ер-міністрам Украіны.
Між тым намётавае мястэчка ля Пячорскага суда на Хрышчаціку ўсё яшчэ стаіць. Міліцыя запэўнівае, што не будзе яго гвалтоўна зносіць, пакуль не атрымае на гэта рашэння суда.
