Хворы на сухоты Валер Ганчарэнка абвясціў галадоўку і адмовіўся ад лекаў
Ён патрабуе палепшыць умовы лекавання хворых на сухоты.
Інвалід другой групы Валер Ганчарэнка хварэе на адкрытую форму сухотаў. Ён кажа, што не можа атрымаць годнага лекавання. 12 снежня ён абвясціў галадоўку ў Багушэўскім сухотным шпіталі на Віцебшчыне, перадае прэс-служба БХД. Таксама ён адмовіўся прымаць лекі.
Нагадаем, тыдзень таму Ганчарэнка абвясціў што гатовы прынесці сябе ў ахвяру замест асуджаных Дзмітрыя Канавалава і Уладзіслава Кавалёва. Падставай для заявы, па яго словах, стала немагчымасць далей існаваць у такіх умовах.
