Кэтрын Эштан заклікае ўвесці мараторый на смяротную кару ў Беларусі
З такой заявай Вярхоўная прадстаўніца ЕС па замежных справах выступіла 1 лютага па паседжанні Еўрапарламента ў Брусэлі.
Па словах Эштан, якія перадае РІА "Новости", яна перакананая ў неабходнасці ўвесці глабальны мараторый на смяротнае пакаранне. Гэтак яна паркаментавала сітуацыю з Дзмітрыем Канавалавым і Уладзіславам Кавалёвым, асуджанымі за тэракт у мінскім метро.
