Экс-супрацоўніку беларускага КДБ пагражае 20 гадоў турмы за здраду
У суд перададзеная крымінальная справа былога палкоўніка Службы вонкавай разведкі (СВР) Расіі Аляксандра Пацеева.
Пра гэта паведаміла РІА "Новости" са спасылкай на Цэнтр грамадскіх сувязяў ФСБ Расіі.
Нагадаем, што менавіта Пацеева СМІ звалі вінаватым у правале групы расійскіх разведчыкаў-нелегалаў у ЗША. Цяпер яго вінавацяць у дзяржаўнай здрадзе і дэзертырстве. Максімальнае пакаранне па артыкуле "здрада" - 20 гадоў турмы.
Як паведамлялі расійскія СМІ, Пацееў служыў у КДБ Беларусі, бо сам быў родам з Мінску, а яго бацька - Герай Савецкага Саюзу, баявы афіцэр, танкіст, удзельнік Вялікай Айчыннай вайны падпалкоўнік Мікалай Пацееў.
Аднак КДБ Беларусі абверг гэтую інфармацыю і заявіў, што чалавек з такімі імем і прозвішчам не служыў ні ў КДБ БССР, ні ў КДБ Беларусі.
