БНФ "Адраджэньне" прайграла камунальнікам
Гаспадарчы суд Мінску 4 траўня адмовіў грамадскаму аб'яднанню "БНФ "Адраджэньне". Арганізацыя прымусіць ЖРЭА Савецкага раёна падоўжыць арэнду Сядзібы.
Камунальнікам прапанавалі падпісаць міравое пагадненне. Пры гэтым БНФ пагаджаўся, каб аплата арэнды была больш жорсткай. Аднак прадстаўнік ЖРЭА адмовіўся падпісваць яго, адзначае БелаПАН.
Цяпер у судзе разглядаецца аналагічны пазоў да ЖРЭА з боку Партыі БНФ. Справа ў тым, што ў памяшканні Сядзібы з 1992 года знаходзіцца цэнтральны офіс грамадскай арганізацыі, Партыі БНФ, а таксама некалькі іх арганізацыйных структураў.
Як паведаміў у жывым эфіры Еўрарадыё намеснік старшыні Партыі БНФ Рыгор Кастусёў, 10 траўня адбудзецца разгляд пазову ЖРЭА да партыі. Камунальнікі хочуць праз суд выселіць бээнэфаўцаў.
