Новага галоўнага трэнера зборнай Беларусі па футболе ізалююць ад прэсы

Беларуская федэрацыя футбола дамовілася з новым галоўным трэнерам нацыянальнай зборнай Беларусі па футболе Берндам Штанге пра ўпарадкаванне сваіх адносінаў з прэсай.  Паводле словаў старшыні федэрацыі Генадзя Невыгласа, Штанге будзе даваць каментары і інтэрв’ю прэсе выключна на прэс-каферэнцыях альбо праз пасярэдніцтва прэс-службы БФФ.

Адзначым, што раней у былога галоўнага трэнера Юрыя Пунтуса можна было браць каментары, патэлефанаваўшы яму на мабільны тэлефон.

БелаПАН