Кніга пра беларускіх “камандас”
Кнігу пра беларусаў-удзельнікаў
малавядомых войнаў другой паловы ХХ стагоддзя пішуць студэнты Брэсцкага
дзяржаўнага універсітэта.
Яны ўжо запісалі каля
30 інтэрв’ю з ветэранамі вайсковых канфліктаў ў Карэі, В’етнаме, Анголе, Эфіопіі і Егіпце. Беларусы, у той час савецкія
вайскоўцы, служылі ў «гарачых кропках» у якасці вайсковых дарадцаў і
спецыялістаў.
Да нядаўняга часу пра сваё баявое мінулае ім нельга было
распавядаць, а неўзабаве іх успаміны стануць дапаможнікам для вывучэння
найноўшай гісторыі, паведамляе газета «Рэспубліка».
