Інфляцыя ў Беларусі з пачатку года малая, але без уліку паслугаў ЖКГ

Інфляцыя ў Беларусі з пачатку года склала 0,8%. Пра гэта паведаміў міністр эканомікі Мікалай Зайчанка. Прычым цэны на камунальныя паслугі за гэты ж перыяд выраслі амаль на 5%. Аднак ці ўваходзіць у лічбу інфляцыі падаражанне паслугаў ЖКГ? Як расказала Еўрарадыё намесніца начальніка ўпраўлення статыстыкі цэнаў Міністэрства статыстыкі Таццяна Міхалевіч, расцэнкі па камунальных паслугах сюды пакуль не ўваходзяць. А пра леташнюю статыстыку па тым жа перыядзе расказвае Таццяна Міхалевіч:

“У студзені 2007 года інфляцыя за месяц склала 1,8. Паслугі ЖКГ у студзені мінулага года падаражэлі на 12% ў параўнанні з папярэднім месяцам. У нас інфармацыя па тыднях не распаўсюджваецца, таму што гэта ацэначны паказчык. Канчатковая лічба ў нас пасля калегіі. Калегія зазвычай 12-13 лютага”.

Віталіна Грахоўская, Еўрапейскае радыё для Беларусі