Даішнікі спынілі аўто, у багажніку якога перавозілі жывога бычка

Незвычайная знаходка трапілася інспектарам ДАІ ў Жлобінскім раёне. Позна ўвечары 7 верасня каля вёскі Лебедзеўка яны спынілі для праверкі аўтамабіль "Фальксваген Транспарцёр".

У аўтамабілі быў 26-гадовы кіроўца, 31-гадовы пасажыр і... бычок. Прычым мужчыны, якія ехалі ў аўто, не змаглі патлумачыць, каму належыць жывёла.

Міліцыянты даставілі ўсю "тройцу" ў РАУС, інфармуе прэс-служба гомельскай абласной міліцыі. Там высветлілася, што бычок быў выкрадзены з поля, размешчанага на адлегласці 200 метраў ад жлобінскай вуліцы Свабоды.

Бычка на наступны дзень вярнулі ўладальніку. А на затрыманых пачалі крымінальную справу.

Фота: gp.by