Аднавіўся "Беларускі партызан"

Аднавіў сваю дзейнасць сайт "Беларускі партызан". Праз хакерскую атаку ён не працаваў тры дні. Як паведамілі стваральнікі сайту, хакеры задзейнічалі 69 адрасоў, з якіх ажыццяўлялі DOS-напады. Напады ішлі з Парагвая, Амстэрдама і Паўднёва-Усходняй Азіі.

Аўтары "Беларускага партызану" лічаць, што гэтыя напады інспіраваныя беларускімі спецслужбамі, якія рыхтуюцца да інфармацыйнай блакады падчас будучых парламенцкіх выбараў.