09:15 На "Нафтане" адбыўся пажар

Пажар адбыўся на нафтаперапрацоўчым прадпрыемстве "Нафтан" у Віцебскай вобласці. Пра гэта паведамілі ў міністэрстве па надзвычайных сітуацыях Беларусі. На адкрытай пляцоўцы адбылося факельнае ўзгаранне бензінавай фракцыі.

Выратавальнікі адзначылі, што для тушэння пажару прыцягваліся 11 адзінак тэхнікі.

Пажар атрымалася лакалізаваць праз 19 хвілін і яшчэ праз 19 хвілін ліквідаваць. Па словах прадстаўнікоў МНС, тэхналагічны працэс на "Нафтане" парушаны не быў.

Папярэдняя прычына пажару — парушэнне правілаў пажарнай бяспекі.

Паведамляе “Інтэрфакс”