З Еўрарадыё на Be2Gether — фотарэпартаж (абноўлена)

Еўрарадыё ў асобе Змітра Траўчука рушыла на чарговы фэст - Be2Gether, які цягам трох дзён будзе праходзіць на беларуска-літоўскай мяжы. Грошы, сабраныя з продажу фестывальных квіткоў, пойдуць беларускім дзецям, якія пацярпелі ад чарнобыльскай аварыі.

Усё распачалося ўжо на мытні. Прапусцілі мяне вельмі хутка. Беларускія памежнікі, пасля таго як даведаліся, што я еду на фэст, нават зрабілі ксера квіткоў. Напэўна, для гісторыі, самі ж на фэст паехаць не могуць - праца, а так прынамсі квіток будуць мець.

Сёння камісар Еўрасаюзу па знешніх сувязях звярнулася да наведвальнікаў фестывалю і беларускай моладзі з заклікам гаварыць пра праблемы, якія яны бачаць у сучасным становішчы Беларусі.










Кожны мог пакінуць свой мастацкі аўтограф на фестывалі.



Музыкі з Bloodhound Gang паставілі ўмову для журналістаў на прэс-канферэнцыі: адно пытанне — адзін кубак літоўскай настойкі.



Кожны хацеў неяк адзначыцца на фестывалі - так гэта зрабілі эстонскія наведвальнікі.



Намётавае мястэчка на фестывалі B2G.



Музыкі з THERAPY? перад сваім першым выступам у Літве.



Пачатак выступу Ляпісаў.



Сяргей Міхалок: "Всё, ребята, харэ, отработали лавэ!".



Безліч беларускіх сцягоў лунала ў натоўпе.



Паміж песнямі ў вершаванай форме галоўны "Ляпіс" заклікаў усіх: "Наперад да перамогі прыгожага!".



І нават ні разу не стаміліся: беларускія музыкі сталі адзіным гуртом, які сустрэўся з журналістамі пасля выступу.

Фота аўтара