Рыгор Кастусёў заявіў, што яго шантажавалі сябры сойма Партыі БНФ

Рыгор Кастусёў заявіў, што напярэдадні рэгістрацыі кандыдатам у прэзідэнты яму прапанавалі зняць сваю кандыдатуру ў падтрымку лідэраў кампаній "Гавары праўду" Ўладзіміра Някляева і "Еўрапейская Беларусь" Андрэя Саннікава, інфармуе БелаПАН.  Прычым прапанова прагучала "ад двух сябраў сойма... ў форме шантажу". Паводле слоў Кастусёва, яны заявілі, што Цэнтрвыбаркам прызнае сапраўднымі менш за 100 тысяч подпісаў і яго не зарэгіструюць. Палітык лічыць падобную прапанову "зневажальнай для сябе, для тых, хто збіраў подпісы ў яго падтрымку, для Партыі БНФ як палітычнай арганізацыі".

Рыгор Кастусёў таксама паведаміў, што сябры Партыі БНФ, працуючы на розных прэтэндэнтаў на пасаду кіраўніка дзяржавы, сабралі каля 250 тысяч подпісаў.