У Гродне паставілі помнік аўтазапраўшчыку (фота)
Бронзавы працаўнік АЗС размясціўся на новай запраўцы каля Паўднёвага рынку горада.
Чалавечак вышынёй не больш за метр трымае ў руцэ заправачны пісталет. Бронзавы запраўшчык абапіраецца на бензакалонку "Нара", якая сустракалася на запраўках у 60-я гады.
Як паведамляе "Вечерний Гродно", аўтааматары ахвотна фатаграфуюцца побач са скульптурай. Хтосьці нават прыдумаў легенду: калі патрэш пісталет, паліва патаннее.
