Тэлеканал “Беларусь 1” паказаў відэа допыту Дзмітрыя Канавалава (відэа)
Сюжэт паказалі пасля вынясення прысуду – увечары 30 лістапада.
Былі прадэманстраваныя вытрымкі з відэазапісаў допыту Канавалава 13 красавіка, а таксама вочнай стаўкі Кавалёва і Канавалава.
На відэа допыту 13 красавіка Канавалаў адказвае на пытанне, што яму вядома пра тэракт 11 красавіка. Ён расказвае, што прынёс у метро сумку з выбуховай прыладай, якую паставіў ля лаўкі на станцыі метро "Кастрычніцкая".
Нагадаем, што ўчора быў вынесены прысуд па справе Дзмітрыя Канавалава і Уладзіслава Кавалёва. Іх абодвух прыгаварылі да расстрэлу.
