Брэсцкім актывістам не ўдалося дамагчыся адмены рашэння суда
Яны абскарджвалі правамернасць забароны пікетаў супраць рэпрэсій у дачыненні да апанентаў улады.
Судовая калегія па грамадзянскіх справах Брэсцкага абласнога суда 12 студзеня разгледзела скаргу групы актывістаў. Як паведаміў БелаПАН праваабаронца Раман Кісляк, заяўку на правядзенне акцый у Брэсцкі гарвыканкам падаваў намеснік старшыні РГА "Перспектыва" жыхар абласнога цэнтра Віктар Чайкоўскі. Серыя пікетаў планавалася з мэтай прыцягнуць увагу гараджан да праблемы палітвязняў.
Акцыі планавалася праводзіць штодня з 1 па 5 кастрычніка з 17.00 да 19.00 у розных месцах горада пад лозунгам "Свабоду палітвязням! Спыніць катаванні і пераслед!".
