Каля 400 італьянскіх сем'яў чакаюць усынаўлення беларускіх дзяцей

Каля 400 італьянскіх сем'яў хочуць усынавіць беларускіх дзяцей. Пра гэта паведаміў на прэс-канферэнцыі ў Мінску Надзвычайны і Паўнамоцны амбасадар Італіі ў Беларусі Нарберта Капэла. Паводле яго інфармацыі, за апошнія 20 гадоў італьянскія сем'і ўсынавілі 600 беларускіх дзяцей. На аздараўленні пабывалі 340 тыс., а цяпер на аздараўленні ў Італіі знаходзяцца 20 тыс. дзяцей.

Н.Капэла прызнаў, што, нягледзячы на наяўнасць міжурадавых дамоўленасцяў па пытаннях усынаўлення і аздараўлення дзяцей, колькасць усыноўленых дзяцей з'яўляецца мінімальнай.

"Інтэрфакс"