Давайце своечасова грошы, тады будзе газ – “Газпром” Беларусі

“Газпром” будзе пастаўляць газ у Беларусь толькі пры ўмове поўнай і своечасовай аплаты бягучых паставак. Пра гэта гаворыцца ў распаўсюджаным паведамленні расійскай кампаніі. “Газпром” спадзяецца “на няўхільнае выкананне беларускімі партнёрамі ўсіх дамоўленасцяў аб умовах пастаўкі і транзіта расійскага газу”.

Нагадаем, напярэдадні “Белтрансгаз” цалкам выплаціў “Газпрому” запазычанасць за пастаўкі расійскага газу ў першым паўгоддзі 2007 года.

Аднак ужо 23 жніўня беларускаму боку давядзецца пералічыць “Газпрому” каля 150 мільёнаў долараў за газ, які быў пастаўлены ў ліпені.

Газета.Ру