15:19 Серыйнага забойцу свойскай жывёлы асудзілі ў Полацку
У Полацку асуджаны
серыйны забойца свойскай
жывёлы.
Падрабязнасці ў рэпартажы нашага віцебскага карэспандэнта Ядвігі Сташэўскай.
Да пяці з паловай
гадоў зняволення прысудзілі 24-гадовага жыхара Полацку, які здзейсніў шэраг
забойстваў на тэрыторыі раёну. Яго ахвярамі сталі 8 кароваў і конь. Хлопец уначы
прабіраўся у хлеўчукі ды забіваў жывёл кувалдай, а зранку з’яўляўся ў вёсцы ўжо ў якасці прадпрымальніка,
які купляе скаціну на мяса.
Серыйны забойца свойскай жывёлы раней
ужо быў асуджаны за хуліганства. Адбыўшы свой тэрмін пакарання, ён паспрабаваў
гандляваць мясам. Але справы ішлі кепска, і хлопец вырашыў палепшыць іх такім
вось незвычайным чынам.
