Удзельнікі "антымайдана" з-за грошай ўзнялі "паўстанне" ў цягніку (відэа)
У Сеціва выклалі відэа з бунтам жыхароў Запарожжа, якім не заплацілі за ўдзел у вулічных акцыях у Кіеве ў падтрымку прэзідэнта Віктара Януковіча.
Мужчыны і жанчыны патрабавалі грошы ў "каардынатара", які абяцаў, што з імі разлічацца ў Запарожжы. Яны, аднак, хацелі атрымаць іх у цягніку. У выніку, былыя ўдзельнікі "антымайдана" пачалі зрываць стоп-краны і біць шкло ў вокнах.
Акрамя таго, пасажыры спеццягніка прыклеілі да вокнаў вагонаў стыкеры з надпісамі "Патрабаванне № 1 — адстаўка Януковіча", інфармуе УНІАН.
Нагадаем, 22 снежня ў Кіеве каля аднаго з офісаў Партыі рэгіёнаў пратэставалі некалькі дзясяткаў чалавек, якім таксама не заплацілі абяцаныя грошы.
Увага! На відэа прысутнічае ненарматыўная лексіка!
Удзельнікі "антымайдана" патрабуюць грошай ад арганізатараў (відэа)
