У Кыргызстане мітынг разагналі спецсродкамі, актывістаў затрымалі
Удзельнікі акцыі патрабавалі скасаваць урадавую дамову з канадцамі на распрацоўку золатаздабывальнага прадпрыемства "Кумтор".
Падчас акцыі мітынгоўцы нават затрымалі паўнамоцнага прадстаўніка ўрада Кіргізіі ў Ісык-Кульскай вобласці.
Мітынг у Караколе скончыўся тым, што міліцыя ўжыла спецыяльныя сродкі супраць удзельнікаў акцыі пратэсту. Сярод актыўных удзельнікаў і завадатараў ёсць затрыманыя. Прадстаўніка ўрада міліцыянты вызвалілі, адзначае interfax.by.
Прадстаўнік МУС заявіў, што супраць міліцыі пратэстоўцы ўжывалі камяні, сярод супрацоўнікаў міліцыі ёсць пацярпелыя, іх колькасць удакладняецца.
