Затрыманыя ля будынка КДБ правялі ноч на Акрэсціна
Верагодна, сёння Мікіту Каваленку і Аляксандра Баразенку чакае суд.
Нагадаем, што абодва маладыя чалавекі былі затрыманыя ўчора каля 16-ай гадзіны. Каваленка спрабаваў правесці каля КДБ адзіночны пікет. Ён разгарнуў партрэты палітвязняў і бел-чырвона-белы сцяг. Пікет працягваўся некалькі хвілін. Актывіст быў затрыманы людзьмі, якія выбеглі з будынку.
Разам з Каваленкам яны затрымалі аператара Аляксандра Баразенку, які здымаў тое, што адбываецца, на камеру.
Абодвух затым адвезлі ў міліцыю Цэнтральнага раёна. А праз тры гадзіны ў ізалятар на завулку Акрэсціна.
