Дата выбараў у Палату прадстаўнікоў стане вядомая ў чэрвені
Пра гэта заявіла старшыня Цэнтравыбаркаму Лідзія Ярмошына.
Яна выказала меркаванне, што ў чэрвені будзе выдадзены ўказ прэзідэнта аб прызначэнні даты выбараў, перадае БелаПАН.Яны мусяць адбыцца не пазней за 23 верасня.
Журналісты пацікавіліся, ці запросяць на выбары назіральную місіі Бюро па дэмакратычных інстытутах і правах чалавека (БДІПЧ) АБСЕ. Па словах Ярмошынай, гэта будзе вырашаць кіраўнік дзяржавы разам з Міністэрствам замежных справаў. На думку кіраўніцы Цэнтравыбаркаму, пры гэтым будуць улічвацца апошнія рашэнні, якія прыме Еўрасаюз. Пры гэтым яна падкрэсліла, што назіральнікі ад СНД будуць працаваць без якіх-небудзь абмежаванняў.
Фота — bymedia.net
