На саміт у Ялту не прыедуць 12 прэзідэнтаў, а Лукашэнку не запрасілі
Прэзідэнты Аўстрыі, Чэхіі, Нямеччыны, Італіі, Балгарыі, Славеніі, Эстоніі, Латвіі, Харватыі, Албаніі, Венгрыі, Босніі і Герцагавіны байкатуюць мерапрыемства.
Яны не захацелі ўдзельнічаць у саміце кіраўнікоў краін Цэнтральнай і Усходняй Еўропы, дзе будзе і ўкраінскі прэзідэнт Віктар Януковіч. Некаторыя з прэзідэнтаў не хаваюць, што не паехалі з-за сітуацыі з Юліяй Цімашэнка, якая нядаўна былі збітая ў зняволенні. Іншыя кіраўнікі дзяржаваў спаслаліся на напружаны графік і іншыя справы.
Сайт delfi.lv нагадвае, што 18-ы па ліку саміт прызначаны на 11-12 траўня. Сваю згоду на ўдзел у ім далі толькі прэзідэнты Польшчы, Славакіі і Малдовы.
Радыё Свабода дадае, што кіраўнік Беларусі Аляксандр Лукашэнка на саміт у Ялце запрошаны не быў.
Фота — AFP
