Лукашэнка асабіста будзе выдаваць квоты на ўвоз рыбы

Аляксандр Лукашэнка падпісаў указ, якім у чарговы раз пацвердзіў дамінуючае становішча дзяржавы ў імпарце рыбы і морапрадуктаў, паведамляе “Ежедневник”. Больш за тое, распрацоўшчыкі дакумента пунктам 17 дадатку да ўказу замацавалі за беларускім прэзідэнтам апошняе слова ў адборы тых кампаній, якія атрымоўваюць квоты на ўвоз у краіну стратэгічнай сыравіны.

Па-ранейшаму ўсе пастаўкі рыбы будуць праходзіць праз аднаго спецімпарцёра — прадпрыемства "Белрыба", якое структурна ўваходзіць ва Упраўленне справамі прэзідэнта.