Іспанкі і полькі ахвотна кантактуюць з мужчынамі ў Сеціве

Іспанкі хутчэй за ўсё ідуць на ўзаемны кантакт у Сеціве, чым жыхаркі любой іншай краіны свету. Пра гэта сведчаць вынікі парталу online-знаёмстваў Badoo.com, на якім зарэгістравана больш за 80 млн чалавек з 240 краін свету. Паводле даследавання, сярэднестатыстычная іспанка штомесяц пачынае 1,33% новых кантактаў. Гэта амаль удвая больш, чым паказчыкі брытанак і францужанак, і ўдвая больш, чым у амерыканак.

Следам за іспанкамі ў рэйтынгу Badoo.com ідуць жыхаркі Польшчы. З еўрапейскіх краін у дзясятку рэйтынгу трапілі толькі Італія і Партугалія.Такім чынам, шанцы мужчыны завязаць размову ў Сеціве ўзрастаюць па меры таго, чым далей на поўдзень знаходзіцца краіна.