17:08 Беларусь плануе заваяваць на Алімпіядзе ў Пекіне не менш за 15 медалёў

Беларусь плануе заваяваць на Алімпіядзе ў Пекіне не менш за 15 медалёў. У агучаным прагнозе няма нічога нерэальнага: падчас Алімпійскіх гульняў у Атланце ў 1996 годзе беларусы заваявалі 15 медаляў, у Сіднэі ў 2000-м - 17, у Афінах - ізноў 15.

Па звестках на 26 сакавіка, роўна за 500 дзён да пекінскай Алімпіяды, падрыхтоўку да яе вядуць 159 беларускіх спартоўцаў, прадстаўнікі 23-х відаў спорту.

207 спартоўцаў знаходзіцца ў рэзерве і, па словах спадара Шычко, яны таксама маюць шанец патрапіць на Алімпійскія гульні, "калі пакажуць на міжнародных спаборніцтвах вынікі сусветнага ўзроўня". Намесніка міністра цытуе “Интерфакс”.