Унутраныя войскі павялічылі колькасць кантрактнікаў

Ва ўнутраных войсках МУС Беларусі павялічваецца колькасць ваеннаслужачых кантрактнай службы. Пра гэта паведаміў намеснік камандуючага палкоўнік Вячаслаў Ражнёў. Паводле яго інфармацыі, цяпер вайскоўцы тэрміновай службы складаюць толькі каля паловы ўсёй колькасці ўнутраных войскаў. Астатнія - гэта афіцэры, прапаршчыкі, вайскоўцы кантрактнай службы. Колькасць кантрактнікаў у войсках павялічваецца, у тым ліку ў сувязі з магчымым скарачэннем у будучыні ў Беларусі тэрміну тэрміновай службы з паўтара года да аднаго.

БелаПАН